امل عرفة كانت زوجة ادم

أمل عرفة وعبد المنعم عمايري ثنائي راقي ونموذجي في “بصراحة مع”

في اللقاء العلني الأول لهما أمام الجمهور بعد الطلاق، في أجواء مليئة بالصراحة والعفوية تحدثت أمل عرفة وعبد المنعم عمايري عن كواليس علاقتهما في الحلقة الأولى من برنامج “بصراحة مع” أمل عرفة وعبد المنعم عمايري على قناة MBC، وفي سؤال يتجنب أي ثنائي طرحه أمام الجمهور، سألت أمل عرفة زوجها السابق عما تغيّر في حياته بعد الطلاق، وقال: “نمط الحياة اختلف، انت بتكوني عايشة بمكان ضمن أسرة وبيت واستقرار وتنظيم حياة كاملة، وأنا واحد فوضوي”، وهو ما أكدت عليه أمل.. وتابع: “كنت تلملمي الفوضى تبعي بلحظة من اللحظات. اللي تغير اني فت لحياة جديدة مختلفة تماماً، خارج بيت، وهذا ما جعلني غير مستقر في بيت لأربع سنوات منذ انفصالنا، لأن المرحلة كانت صعبة عليّ كتير، مرحلة الانتقال من عالم مستقر وفيه شوية فوضى إلى عالم خاص جداً. في الفترة الأولى أكيد ما كنت مرتاح نهائياً، بس بالأخير بيتعود الواحد وبحس انه في أشياء بيحسن يعملها لحاله أكتر ما يكون معه شريك.. بس أنا دائماً حاضر قدام بناتي وحتى سكنت قريب منكم متل ما بتعرفي”، بدورها أجابت أمل عرفة عن السؤال نفسه وقالت: “في أشياء كتير ارتحت فيها بصراحة، يعني القلق مثلاً، بقفل بابي على بناتي وما بحس انه في قلق لأي حدا برات هدا الباب”، ورد عبد المنعم أو عبود كما تناديه أمل: “بس أي مشكلة بتصير معكم، ألو تعا شوف بنتك شو عاملة”، لتؤكد أمل بأنه والد بناتها ورفيق عمرها، وتابعت: “أنا بحب العيلة، وبحب السفرة وقت الغدا لأنه معودة من بابا وماما الله يرحمهما، يعني الغدا بمواعيد والعشاء بمواعيد، هذا اللي كان يضايقك كتير”، فأوضح عبد المنعم وجهة نظره في هذا الموضوع وقال: “أوقات ما بكون إلي نفس أكل، فبضطر أقعد أكل معكم بكون أنا مثلاً مانو موعد أكلي”، وفيما يتعلق بالجانب المهني، كشف عبد المنعم أن فشل الحياة الزوجية أثر على عمله كثيراً وقال: “مهنياً أنا انأذيت جداً، وتحديداً أنا بحب كون قوي متل ما بتعرفيني، ما بحب أظهر ضعفي للآخرين.. في فترة مرقت فيها كنت كتير ضعيف، وحسيت فيها ثقتي بنفسي تزعزعت بالإضافة إلى أنني دخلت بحالة إحباط واكتئاب، يمكن في غيري ما بيسترجي يحكيه من النجوم والممثلين وحتى ناس عاديين، أنا بالنسبة إلي أنا بني آدم عندي مشاعر وأحاسيس، بوقع وبنزل.. هذه الحياة”، وتابع: “لما قررت أرجع، رجعت لشي مادي مش لشي فني، كانت هالأعمال أعمال رديئة والناس بتعرفها ما رح أذكرها.. عملان أو ثلاث أعمال لجلس حالي. فيما بعد صار عندي ردة فعل عكسية هي الإصرار والإرادة والرغبة، فرحت للشي النوعي، متل ما نزلت لسبع طوابق فجأة، متل ما طلعت مية طابق لفوق”، وعلقت أمل على حياتها المهنية بعد الطلاق وقالت: “كمان أنا اتدهورت بمسلسل كتبته ودخلت إنتاج وكنت مستعجلة.. وكان طبعاً على طرف اللي كتير كان فعّال بشكل أخد من عمري شقفة هو مرض بابا ووفاته وقصص كتير.. كمان الواحد بيتعلم، معليش بيطلعلنا نفشل مرة وننجح بمسيرة كاملة”، من ناحيته، أكد عبد المنعم بأن أمل لم تفشل تمثيلياً في العمل الذي أدت فيه خمس شخصيات، ولكن ما حصل أنه خسرت مادياً، ولفت عبد المنعم إلى أن البعض يمكن أن يعتبر هذه الإطلالة مثالية، وأكد بأنهما يتحاوران وحتى يختلفان لغاية اليوم على بعض الأمور.